फेब्रिक द्धारा निर्मित हस्तकलाका सामाग्री सम्बन्धी तालिम पोखरामा सुरु
नगेनन्यूज डटकम, पोखरा, मंसिर २ । रेडियो जननी ९०.६ र दिदि बहिनी बचाउ कास्की नेपालको आयोजनामा ७ दिने फेब्रिकद्धारा निर्मित हस्तकलाका सामाग्री सम्बन्धी तालिम आज (विहिवार)बाट पोखरामा सुरु भएको छ ।
उद्घाटन समारोहमा बोल्दै रेडियो जननी ९०.६ का अध्यक्ष एवं पद्मावती हस्तकला उद्योगका सञ्चालक हिरा भट्टराईले आर्थिक समृद्धका लागि उद्यमशीलता आजको आवश्यकता भन्ने नाराका साथ तालिमले उद्यमशीलताको विकासमा सहयोग पु¥याउने बताउनु भयो । उँहाले स्थानियस्तरमै उपलब्ध कच्चा पदार्थ र खेर गइरहेका वस्तुहरु बाट विभिन्न हस्तकलाका सामाग्री बनाउन सकिने भन्दै यो तालिमले महिला दिदीबहिनीलाई फुर्सदको समयको सदुपयोग गर्दै आयआर्जनको बाटोमा लाग्न प्रेरित गर्ने विश्वास व्यक्त गर्नुभयो ।
रेडियो जननी ९०.६ का स्टेशन म्यानेजर विमला भण्डारीले रेडियोको पहिलो नारा उद्यमशीलता भएका कारण नै रेडियोले उद्यमशीलता सम्बन्धी विभिन्न गतिविधिहरु संचालन गर्दै आइरहेको जानकारी गराउनुभयो । उहाँले ब्यक्तिमा सिप, अर्थ भयो भने मात्र सक्ष्यम हुने बताउँदै महिलाहरुले पनि सिप सिकेर सवल बन्नुपर्नेमा जोड दिनुभयो ।
दिदि बहिनी बचाउ कास्की नेपालका डारेक्टर शोभा पहारीले प्रशिक्षार्थीहरुलाई समयको सदुपयोग गर्दै तालिम राम्रोसँग सिक्न आग्रह गर्नुभयो ।
तालिममा १५ जना महिला दिदि बहिनीहरुको सहभागिता रहेको छ भने तालिमको प्रशिक्षक शुशीला लम्साल रहनुभएको छ ।कार्यक्रम संचालन रेडियो जननीका कार्यक्रम संयोजक रुपा अधिकारीले गर्नुभएको थियो ।
0 comments
Write Down Your Responses