नगेनन्यूज डटकम, पोखरा, १० साउन । नेकपा माओवादीको बन्दको क्रममा मोटरसाइक चलाएको भन्दै बन्द कर्ताले पोखरामा एउटा मोटरसाइकललाई तोड्फोड् गरेका छन् ।
 पोखराको सृजनाचोकमा ग १० प ७३ नम्बरको मोटरसाइकलमा बन्दकर्ताले तोडफोड गरेका छन् । मोटरसाइकल चालक गोविन्द पौडेललाई इट्टा प्रहार गरि बन्दकर्ता भागेको प्रत्यक्ष दर्शीले बताएका छन् । तोड्फोडबाट मोटरसाइकलको ट्याङकी कुचिएको छ । बन्दकर्ता चार जनाको समुहमा रहेको प्रहरीले बताएको छ । तोडफोड गरेको आरोपमा प्रहरीले एकजनालाई प्रक्राउ गरेको छ ।
बन्दको क्रममा सडकमा टायर बाल्ने दुई जनालाई विहानै प्रहरीले नियन्त्रणमा लिएको थियो । बन्दको कारण सोमवार दिनभर सर्वसाधारणले सास्ती खेप्नुपरेको थियो ।
यसैविच बन्दको बिरुद्धमा पोखरामा केहि युवाले प्रदर्शन गरेका छन् । युवा सञ्जाल नेपालले बन्द बिरुद्ध मोटरसाईकल र्याली निकालेको हो । र्यालीले पोखराका विभिन्न स्थानको परिक्रमा गरेको थियो । र्यालीमा सहभागिले नेपाल सधै खुल्ला छ, बन्द गर्न पाईदैन लगायतका नारा लगाएका थिए ।

0 comments

Write Down Your Responses