ओलीसँग लेखी आक्रोशित, पक्राउ थारुहरुलाई रिहाइ गर्न प्रधानमन्त्री सहमत
'तराईमा जारी धरपकड र यसअघि समितिले पेस गरेको सात सर्तबाहरे प्रधानमन्त्रीज्यूलाई जानकारी गरायौं,' वार्तामा सहभागी थरुहट तराई पार्टी नेपालका वरिष्ठ नेता एवं सभासद् गोपाल दहितले भने, 'उहाँले यसबारे भोलि नै बुझेर रिहाइ प्रक्रिया सुरु गर्ने प्रतिबद्धता जनाउनुभयो। उहाँको प्रतिबद्धता भोलि (शुक्रबार) थाहा हुन्छ।' दहितले प्रधानमन्त्री कोइरालालाई धरपकड रोकेर प्रहरीले पक्राउ गरेकाहरुलाई रिहाइ गर्न माग गरेका थिए। छाडेसम्म तराईमा जारी धरपकड बसेको बैठक बिना निश्कर्ष टुगिएको छ । बैठकबाट बाहिर निस्किँदै थारु नेताहरुले शीर्ष दल वार्ताको लागि गम्भिर नरहेको र यस्तो अवस्थामा वार्ता हुन नसक्ने बताए ।
ओली नआएपछि लेखी आक्रोशित
समितिले तीन शीर्ष दलका नेताहरु सहभागी भएमात्र वार्ता गर्ने निर्णय बुधबार गरेका थिए। सोही निर्णय प्रधानमन्त्रीलाई समेत पठाइएको थियो। प्रधानमन्त्री कोइरालाले बिहीबार तीन दलका शीर्षस्थ नेता पनि वार्तामा सहभागी हुने जनाउ दिएपछि समितिको १३ सदस्यीय वार्ता टोली बालुवाटार पुगेको थियो। बैठकमा एमाले अध्यक्ष केपी शर्मा ओली र एमाओवादी नेता बाबुराम भट्टराई अनुपस्थित भएपछि थारु नेताहरु आक्रोशित बनेका थिए।
ओलीबारे पटकपटक प्रश्न गर्दा पनि नेताहरुले जवाफ नदिएपछि नेता राजकुमार लेखी वार्ताको नाममा नौटंकी गरेको भन्दै बैठकबाट बाहिरिएका थिए। उनले ओली र भट्टराई बिना कसरी वार्ता हुन्छ भन्दै बाहिरिएका थिए। 'हामीले तीन दलका शीर्ष नेताहरुसँग वार्ता गर्ने निर्णय गरेका थियौं। उहाँहरु नै उपस्थित नभएपछि वार्ताको औचित्व के?' उनले प्रश्न गरेका थिए।
वार्तामा एमालेबाट माधवकुमार नेपाल, कांग्रेसका शेरबहादुर देउवा, एमाओवादी अध्यक्ष पुष्पकमल दााहल र नारायणकाजी श्रेष्ठ उपस्थित थिए।
सीमांकनलगायत थारुका माग मुद्दा नयाँ संविधानमा नसमेटिएको भन्दै विगत एक महिनादेखि
थारुहरु आन्दोलनमा छन्।
थारुहरु आन्दोलनमा छन्।
0 comments
Write Down Your Responses