गोलरक्षक सोजित गुरुङले भने बा आमा बेस्सरी रुनुभयो, म पनि रोइरहेँ’
काठमाडौँ, १४,भदौ- यु–१९ साफ च्याम्पियनसिपको उपाधि जित्दा टोलीका असली नायक बने गोलरक्षक सोजित गुरुङ । यसअघि सन् २०१३ को एएफसी यु –१४ च्याम्पियनसिपमा नेपाली टोलीबाट गोलरक्षकको भूमिका निर्वाह गरेका सोजित एकैपटक यु–१९ मा पहिलो रोजाइका गोलरक्षकमा देखिए ।
प्रशिक्षक मृगेन्द्र मिश्रले उनको क्षमता देखेर नै पोस्टको जिम्मा सुम्पिएका थिए । भारतविरुद्दको फाइनल खेलमा निर्धारित समयमा आधा दर्जन प्रहार विफल बनाएका सोजितले पेनाल्टी सुटआउटमा पनि आफूलाई अब्बल साबित गरे ।
‘नेपाललाई घरेलु मैदानमा यो उपाधि दिलाउन सक्दाको क्षणलाई म शब्दमा ब्याख्या गर्न सक्दिनँ । आफैंले भारतको पेनाल्टी रोकेर देशलाई जिताउन पाउँदा निकै खुसी लागेको छ । मैदानमा धेरै बेर रुन मन लाग्यो । त्यसैले रुँदै नेपालको झन्डा बोकेर मैदानमा घुमेँ ।
मेरो खेललाई भैरहवाको ठुटीपीपलमा रहनुभएका मेरा बुबाआमाले पनि हेरिरहनुभएको रहेछ । खेल जितेपछि मैले फोन गरेँ । फोनमा बा आमा बेस्सरी रुनुभयो, म पनि रोइरहेँ’,सोजितले भने । निर्धारित समयमै खेल जित्ने अपेक्षा गरेका सोजितले खेल पेनाल्टी सुटआउटमा तानिने कल्पनासमेत गरेका थिएनन् रे । स्रोत:- अन्नपूर्ण पत्रिका ।
0 comments
Write Down Your Responses